رواية صعيدي خطڤ قلبي الفصل الثالث

ميرا جاي ترجع خطوة لورا وهي بترجع الصاروخ فرقع 
وهي قعدت تتنطط من مكانها وطلعت تجري على مهران _ألحققنبلة قنبلة 
مهران ضحك بعلو صوته _ 
يخربيتك مش قادر من الضحك 
لا بس انتي طلعتي ماڤيا بجد
ميرا قعدت علي الارض وربعت _ 
اشوف فيك يوم يا مهران يا ابن ام مهران
اه يا انا صحيح كما قال الشاعر

أندال اندال أندال والله ما فيكم جدعان 
مهران _ علشان حتة صاروخ قلبتيها أندال خلاص 
ميرا _ ايوه انت ايش فهمك انت اخويا
وبعدين قامت وكانت لابسة هيلز داست على رجل مهران وطلعت تجري 
مهران_ اه والله العظيم ما هسيبك اجري دلوقتي 
بس هوريكي يا ميرا 
ميرا رجعت البيت _ ماشي يا مهران
والله هاوريك
بقى انا اتعمل فيه مقلب زي ده 
والله لاوريك يا مهران 
للكاتبة حنين عبدالرحيم حنون 
ميرا طلعت اوضتها ارتاحت شوية 
وبعدين محمود جاه 
محمود _ ميرو ميرو
ميرا _ أيوة يا حودة 
محمود _ عاملك مفاجاءة!!!!! غمضي عينك يا بنية انتي ومتفتحيهاش واصل غير لما اجولك 
ميرا _ ماشي يلا
محمود _ فتحي 
ميرا _ اوه اندومي وبكل الاطعمة كمان تعرف يا محمود انا بحبك ورحمة خالي حسن انت حبيبي 
محمود _ اي خدعة عدي الجمايل بجي
ميرا _ يا عم انت اخويا يا عم جمايل ايه اللي أعدها 
محمود _ ايوة يا اختي ما هو لو كنتوا اخوات اتحاسبوا 
ميرا _ ماشي يا عم حودة استني بقي ل بليل نعملوهم كدة من غير ما حد يعرف وناكلوهم ونخفي كل أثار الچريمة 
محمود _ ليه حاسس اني بتكلم مع مچرم 
ميرا _ يا سيدي يلا 
المهم يلا بقي ننزل علشان نتغدي علشان عصافير بطني بتسوسو وكلاب بطني بتهوهو وقطط بطني بتنونو
محمود _ لا وسعت منك المرة دي مش حلوة مبتضحكش 
ميرا _ احم بجد
محمود _ أيون 
ميرا _ يلهوي على الكسفة اللي انت فيها يا حازم 
محمود _ حازم مين ده!!
ميرا _ يا حودة انت نرم ولا ايه 
محمود _ اه يعني قصدك ميمز يعني وكدة ماشي يا ستي يلا بقي علشان جعان جوي 
ميرا _ يلا يا زميلي 
ونزلوا قعدوا على الغدا وبدأوا يتغدوا وخلصوا غدا وكدةوقعدوا شوية ضحكوا وهزروا مع بعض وكل واحد طلع اوضته 
للكاتبة حنين عبدالرحيم حنون 
وبعدين ميرا راحت على اوضة محمود فتحلها 
ميرا _ حودة صبح تاتة اتنين في تلاتة يا زميلي 
محمود _ يا بنتي بطلي طريقة المجرمين دي 
ميرا _ يا اسطا بطل برادة ويلا علشان نعمل الچريمة 
محمود _ يا رب صبرني يا رب يلا 
المهم عملوا الاندومي وميرا حطته في اطباق 
ميرا _ وعندك احلي طبق اندومي لاحلي حودة في مجرة درب التبانة 
محمود _ يا ميرو اتحدتتي زي الناس العادية ربنا يكرمك 
ميرا _ يا عم كل بقي وانت ساكت صح يا حودة بتحب فرقة البوي باند 
محمود _ لا معرفهومش الصراحة 
ميرا _ لا لا انت كدة مش اخويايا ابني انا حب البوي باند بيجري في عروقي وبالذات هشام جمال 
استني عليا بس وانا هخليك تدمن البوي باند 
المهم خلصوا أكل ولموا الاطباق وغسلوها وكل واحد راح اوضته
ميرا اول ما حطت دماغها على المخدة افتكرت مهران وقد ايه هي كانت مرتاحة في الكلام معاه 
ميرا _ بس والله يا مهران لأوريك ماشي انا تعمل فيا مقلب زي ده يا اللي اسمك مهران انت
اصبر على رزقك انت حسابك معايا عصير 
وبعدين نامت 
ومهران كمان فضل يفكر فيها شوية لحد ما غرق في النوم 
للكاتبة حنين عبدالرحيم حنون 
جاء الصباح 
ميرا قامت اخدت شاور ولبست ونزلت تفطر والكل فطر وكدة وميرا قبل ما محمود يمشي 
ميرا _ محمود
محمود _ نعم يا ميرو عايزة حاجة 
ميرا _ اه بصراحة عايزة اطلب منك كدة حاجة صغيرة ممكن تساعدني فيها محتاجة مساعدتك يا اخويا يا حبيبي انت 
محمود _ حاجة ايه يا ميرو 
ميرا _ بوص يا سيدي 
محمود _ لا يا ميرو مستحيل انا مليش دخل بالمواضيع دي انا أخاف أساسا 
ميرا _ معلش يا محمود علشان خاطري