رواية جديده بقلم الكاتبة صفاء محمد كاملة جميع الفصول

هتقوله يا جاسر مش هسمح للحقيقة تدمر نفسيته حتي لو فضلت طول عمري أكذب ثم عايزني أقولها ازاي! معلش يا سيف أبوك خان أمك وكسرها وبعدها ماټت في الحاډثة وهي مش مسامحاه ! انت متخيل ده هيعمل فيه ايه !.
هتف جاسر بحزن لتذكر ما فعله _ أنا مغلطتش يا حمزة.
أجابه بسخرية _ هي الخېانة بقت صح ولا ايه !
لمعت عيني جاسر پقهر _ انتو السبب..
تفاجأ حمزة من قوله وردد بتهكم _ احنا !
اردف جاسر يحاول تمالك دموعه _ كانت مهتمة بيكم أكتر..من يوم ما اتجوزنا وهي اهتمامها دايما ليكم الاول وبعدين انا..مكنتش بتهتم وانا راجع من شغلي سواء تعبان جعان متعصب لا طالما حد منكم طلبها يبقي تنفذ في نفس الثانية وبعدين بقا ترجع تشوفني مالي..موضوع شغلها انا كنت رافضه بس وعدتها إني هفكر وأراجع نفسي لحد ماوافقت..ليه بقا تاخد إذنك أنت وأبوها وتحطنا في مقارنة مع بعض..ومش الشغل بس ده اي حاجة كانت نفسها فيها تاخد اذنكم وكده تضغط عليا إني أوافق وانتو كمان تقولوا عادي خلاص حتي لو انا رافض أنت عارف انا كنت بحس بأيه يا حمزة في المواقف دي بحس أني مليش لازمة عندها..بحس إني مش في تفكيرها ولا مخططها أني مليش رأي في اللي بتعمله..أو ليا بس مش الأول ومش مهم..دايما بتفكر فيكم واللي طلبتوه منها ونسيته..والله كانت تسيب كل حاجة في شقتها وتسيبني وتروحلكم..صبرت كتير وأقول بكرة هتحس بيا وتلاحظ أفعالها اللي بتكسرني..بس محصلش..كلمتها مرة وعشرة بس كانت بتتهرب وتهزر ..لحد ما تقريبا نسيتني خالص..ياخي فكر فيا كنت عايزني أعمل ايه !
صدم حمزة من كل هذا الكلام الذى يحمله جاسر بداخله نه علي حق بالفعل لقد كان يلاحظ هو كل ذلك لكن لم يفكر لمرة ان يحادثها بهذا الشأن..حاول تبرير حديثه قائلا بخفوت _ كنت تفكر بطريقة تانية يا صاحبي..إلا الطريقة دي..أنا مش هقولك إنها مش غلطانة..بس برضه هي كانت عايزة تشبع مننا..أبويا وأمي كانوا كبار ودايما بيتكلموا معاها ولو بهزار العمر هيجري واحنا مش هنقعد لك العمر كله والمۏت مبيفرقش بين حد و.
قاطعه جاسر مردفا بحزن _ وأنت شايف إني كنت هحرمها منكم ولا فاكرني هكون مرتاح لما تهملكم ! طب تشبع منكم وانا ايه قاعدلها العمر كله ولا هتشبع مني في وقت تاني ! انا كل اللي كنت عايزه تهتم بيا اكتر كزوجها بجد يا حمزة مش تلغيني من حسابتها بالشكل ده بس هي...الله يرحمها.
تنهد حمزة وآمن وراؤه ثم هتف بهدوء _ هي غلطت وأنت غلطت يا جاسر..بس هي دلوقتي مش محتاجة غير دعاك..أرجوك مش عايز كلام في الموضوع ده تاني..مش عايز سيف يحس بحاجة..
جاء سيف لاهثا امامهم وهتف بغيظ _ انتو سايبني أرقص لوحدي من الصبح وواقفين هنا تتكلموا !
أجابه جاسر بعد ان تمالك ذاته ساخرا _ ايه عايزنا نصقفلك يعني ولا ايه ..
رفع حمزة حاجبه بعناد وجذبه يتحركا معا هاتفا_ طب ايه رأيك بقا إنك هترقص ڠصب ..وبعدين نصقف منصقفش ليه..يلا ياسيف.
ضحك سيف بمرح وقفز من الخلف يعانق حمزة _ حبيبي يا خالي.
.......
هناك أحد لا توجد كلمات شكر تكفيه ..يقاسمك حزنك ويبدله لإسعادك ...يحميك من الأذي حتي إن تألم هو لذا عانقه واصمت...دع مشاعرك تشكره...
النهاية
تمت بحمدلله