الفصل الثالث بقلم الكاتبه دعاء احمد
المحتويات
ياريتني ما شفته
سلمي ممكن تهدي وحياتي عندك
حور وهي بتحط الشال على كتفها مش هتاخر يا سلمى بس لو بابا جيه كلميني سلام
قالتها وهي بتخرج من القصر وقفت تاكسي ووصلت لقصر الشرقاوي
نوح كان بيرقص على حصانه هو وكذا حد كان مبتسم وفرحان
حور ابتسمت و دموعها نزلت لكن مسحتها بسرعه كانت هامشي لكن في حد واقفها
جلنار بنت عمها بكره اهلا يا حور مكنتش اعرف انك هتيجي تباركي للعروسه اصل غريبه يعني تيجي تباركي لواحد سابك
حور بابتسامه كبرياء لا يا جلنار احنا ولاد أصول وولاد الأصول يعملوا الواجب وبعدين انا متسبش انا جوهره أغلى بكتير من تخيلك و ميقدرش الجواهر غير الجواهرجي الشاطر و يا حببتي بلاش انتي تتكلمي. دا انتي مطلقه مرتين ومفيش واحد طايق يعيش معاكي
جلنار بغيظ طب ما تيجي تباركي للعروسه دي حتى زي القمر من بنات مصر
قالتها وهي بتدخل القصر بدلع عشان تغيظ جلنار
بعد دقايق
حور كانت بتبارك لجودي اللي بتبصله بنتصار و شماته لكن حور مكنش في اي معالم على وشها بالعكس مبتسمه
جودي بسخريه اهلا يا حببتي
حور الف مبروك
جودي الله يبارك فيكي عقبالك. بس ياترى مين هيقبل يتجوزك
حودي شوفوا مين بتتكلم لا دا انتي قليله الأدب بقي
حور قليله الأدب دي هي اللي زيك ومعرفش الذوق وميشرفينش اكون هنا
قالتها وهي بتخرج من المكان
جودي بصوت عالي اوعي تفكري ان نوح الشرقاوي هيكون ليكي
حور مهتمش انها ترد وخرجت من القصر وهي مڼهاره هي عملت اي لكل دا
الكل شاف انها سيئه و يمكن تكون المشكله عندها
باااااك
احمد دكتوره حور انتي كويسه
حور بجديه اه اه
قالتها وهي بتجري ناحيه الاوضه اللي جودي دخلتها
حور للممرضه باستغراب لو سمحتي هي اي الاوضه دي
الممرضه دي تلقيها عمليه إجهاض
حور پصدمه إجهاض راغب و جودي
عند جيجي
جيجي بسعاده ماما ماما
شريفه هانم في اي اي الدوشه دي
جيحي ماما انا قابلت راغب امبارح وهو عرض عليا الجواز وقال إنه هيجي يتقدم لي النهارده من نوح
شريفه بسعاده الف الف مبروك يا روحي
جيجي الله يبارك فيكي يا ماما بجد مبسوطه اوي
حور دكتور احمد ممكن اسالك عن حاجه
احمد طبعا اتفضلي
حور مين الدكتور المسئول عن عمليات الاجهاض اللي بتم في المستشفي
احمد دكتور عزيز ابن صاحب المستشفى
حور ودا نظامه اي
احمد بص يا دكتوره حور.. دكتور عزيز من النوع اللي يقبل اي حاجه مدام في مقابل. عشان كدا مفيش بينا احتكاك
حور يعني متقدرش تعرفلي جودي النجار كانت بتعمل اي هنا و ليه جايه مع راغب الصاوى
وليه دخلت اوضه العمليات الخاصة بالاجهاض
احمد جودي النجار مش دي طليقه نوح الشرقاوي جوزك
حور بارتباك و لمعه دموع اه هي جودي ونوح مطلقين من فتره صغيره و ممكن تكون حامل في ابنه. و بسبب الانفصال هي جايه تجهض
احمد طب معلش ثواني راغب الصاوى دا مش هو شريك نوح الشرقاوي في شركاته ليه هو اللي جاي مع طليقته
حور بارتباك معرفش معرفش أحمد انت من شويه قالتلي اعتبرني اخوكي جايز انا لسه عارفك من ساعه تقريبا بس عندي احساس انك شخص كويس ارجوك تساعدني
احمد قصدك اي يا دكتوره حور انا في أيدي ايه عشان اعمله
حور ممكن تعرفلي ليه جودي هنا و ليه معها راغب الصاوي
احمد معليش هو انتي شاكه انها حامل من راغب
حور بسرعه أعوذ بالله من الشيطان الرجيم انا لايمكن اطعڼ في شړف بنت زي انا بس عايزه أعرف ليه هي هنا وليه راغب دا معها
احمد شوفي يا حور هو صعب جداجدا لأن دي مستشفى خاص و مدام دخلوا لدكتور عزيز فدا معناه انهم عايزين الموضوع يكون سري جداا
بس اوعدك اني هحاول اعرف و لو اضطريت اخد عينه من ډم الجنين
حور انا متشكره جدا
أحمد بابتسامه انتي قلتي انا زي اخوكي مفيش بينا شكر تعالي معايا بقى اعرفك على باقي الزملاء واوريكي المكان اللي احنا هنكون مسئولين عنه
حور طبعا اتفضل
بعد مده كانوا اندمجوا جدا مع بعض و بيناقشوا حاله طفل مع دكتور سهير و الممرضه عشق
حور بحزن الحاله دي لازم تدخل عمليات في أسرع و قت البنت عضله القلب عندها ضعيفه جدا
دكتوره سهير للأسف المستشفي مش راضيه انها تعمل لها العمليه لان حاله عيلتها الماديه على اد الحال و دي مستشفى خاص
احمد للأسف في الالف الأطفال زي حاله البنت دي
حور بس يا جماعه البنت مش هتستحمل اي تأخير و العمليه عايزه تجهيزات على مستوى عالي جدا ودا مش موجود في اي مستشفى حكومي
احمد طب واي الحل
حور ان حد يتكفل بمصاريف العمليه
عشق بس المبلغ كبير جدا يا دكتوره
حور ان شاء الله خير انا هحاول اتصرف عايزه عنوان اهل البنت دي
سهير اوكي هبعتهولك..
عشق الوقت اتأخر انا همشي ياله يا جماعه سلام
حور انا كمان لازم امشي مع السلامه
بعد دقايق
كانت واقفه أدام المستشفي و بتوقف تاكسي لكن لقيت احمد بيقف جانبها
ممكن اوصلك معايا عربيه
حور باحراج معليش يا دكتور احمد مش هينفع
احمد مټخافيش انا مش هضايقك
نوح من جنب حور قالتلك مش هينفع اي حضرتك واقع على ودانك
أحمد باحراج انا اسف بس كنت.. انا اسف بعد اذنكم
سابهم ومشي وهو حاسس بالاحراج
حور ليه كدا احرجته
نوح بغيره اي صعبان عليكي تحبي اروح اعتذرله ولا زعله فارق معاكي
حور پغضب لو سمحت اتكلم معايا بأسلوب افضل من كدا انا لحد دلوقتي ساكته على كل تصرفات حضرتك الغبيه وكأني جاريه لازم اسمع واسكت واقول يا بنت دا جوزك فتعالي على نفسك شويه لكن لا يا بشمهندس مش معنى كدا ان حضرتك تكلمني بالاسلوب دا
انا اصلا مش فاهمه حضرتك بتعاملني كدا لي انا مراتك على فكره مش جاريه من جواريك
و مسمحلكش انت او اي حد انك تكلمني كدا
نوح برفعه حاجب ودا من أمتي يا حور هانم
حور بكبرياء انثي مچروحه دا من زمان اوي لكن كنت عامله حساب اني متجوزه شخص متفهم لكن لا حضرتك كل شويه بتتمادي بس مش معنى اني بحبك
فجأه سكتت ووشها احمر و سابته و رايحه توقف تاكسي
لكن مسك ايديها بسرعه
نوح بلهفه انتي قلتي اي
حور وهي بتمسك ايديها و بتبعدها انا مقلتش حاجه انا أتمنيت حضرتك تفهم اني بنت ناس و مش هتستحمل زعيقك ليا في الشارع و لا عامل حساب ليا ولا لكرامتي
نوح بتصميم انتي قلتي اي
حور بتوتر و ارتباك انا مقلتش حاجه
نوح بابتسامه جانبيه طب ممكن نروح بيتنا ونتخانق هناك براحتنا
حور لا شكرا اتفضل روح انت انا هروح بتاكسي
نوح برفعه حاجب حور مش وقت جنانك
حور مالكش دعوه
نوح پغضب بقى كدا
حور ايوه هو كدا بالظبط
نوح طب يمين عظيم لو ما جيتي بالهداوه معايا
متابعة القراءة
