الفصل الاخير بقلم الكاتبة يارا عبد السلام
خليها تلبسه
_ماشي
انا لو بعرف ازغرط كنت زغرط
_ههههههه ماشي يا اختى...
ويحيي مشي..
ونور اتصلت بآليا وقالتلها تجيلها
ونور ظبطت الدنيا ...
يحيي راح الحفله ...
وكان مبسوط جدا النهارده أحلامه هتتحقق خلاص هيكمل حياته مع الانسانه اللي حبها طول عمره ...
أصحابه جهم عليه
_اخيرا شوفناك يا عم يحيي
_اعمل اي الشغل واخد كل وقتي ..
_عيب عليكوا مكانكوا محفوظ..
المهم انا عاوز مساعدتكوا
وحكالهم عاللي عاوز يعمله...
وهم قرروا يساعدوه...
الحفله بدأت والكل اتجمع...
وعيله يحيي جهم ونور وآليا وأحمد وعيلة آليا كمان...
العميد بدأ ينادي الاسماء ..
الاول على الدفعه والحاصل على تقدير عام امتياز..
يحيي حسن الشربيني...
يحيي اتفاجئ مكنش يتخيل أنه ياخد المستوي دا..
وخد الشهاده بتاعته..
مبروك عليك لقب الدكتور شرف لينا انك تكون معانا في هيئه التدريس...
_شرف ليا اكتر..
ووقف يقول كلمه..
انا مبسوط جدا النهارده على اللي انا وصلتله دا بعد مشوار طويل ربنا حققلى كل احلامى وناقص حلم واحد انا اعمل المستشفى اللي بحلم بيها واللي هيمسكها أن شاء الله اختى ومراتى المستقبليه..
واصحابه سقفوا جامد وهوا نزل من على البنج..
وقرب منها..
_هتقبلي تكونى زوجتى المستقبليه..
بصتله وعينيها بتلمع والضحكه على وشها ومكسوفه وبصت لنور وابوها هز رأسه باه...
هزت راسها بأه وهى مكسوفه جدا ..
مسك أيدها ولبسها الخاتم..
وفريده من فرحتها زغرطت..
_مبروك عليكي انا يا زوجتى المستقبليه..
بعد اربع اشهر كمان..
فريده صحيت من النوم برغم كل الصعاب اللي قابلتها في الحمل دا بسبب السكر اللي عندها
الا انها كانت مستحمله لاخر نفس ...
_يحيي يحيي الحقني..
_اي في اي
_اااه بولد الحقني...
يحيي قام مڤزوع وشالها وخدها على المستشفى..
فريده مع كل صرخه منها كان يحيي قلبه بيتقطع كان خاېف عليها جدا ...
ورغم أن الولاده بتاعتها كانت صعبه إلا أن صوت عياط الطفل اللي خرج من اوضه العمليات ريح قلوب كتير وخلى وشوشهم كلهم مسترخيه وسعيده...
الممرضه خرجت ..
وهي فرحانه وشايله الطفل. اللي خد كل حاجه من أبوه..
_الف مبروك جالكوا ولد زي القمر..
_شويه وهتخرج هي كويسه..
الحمد لله...
احمد قرب على نور
_عقبالنا
_ان شاء الله
_لا قريب ..وغمزلها...
يحيي قرب من آليا
_عقبالنا بقى احنا كمان
_ان شاء الله
_قريب..
وغمزلها برضو..
وفريده خرجت من المستشفى والكل كان فرحان بالمولود وعملولو سبوع كبير حاجه مبتحصلش كتير أن واحده في سنها تخلف ...
بعد سنتين ...
فارس ومي خلصوا الثانوي..
وفارس دخل حربيه ومى دخلت طب ..
وجه اليوم اللي كلنا مستنينوا..
فرح
احمدنور
يحييآليا
قرروا انهم يعملوا الفرح في يوم واحد..
كانو الاتنين متألقين بالفستان الابيض ...
ويحيي وأحمد كانوا قمه في الجاذبيه بالبدله السمرا ..
وكان يوم كل تفاصيله حلوة..
وخدوا صورة جميله بتجمعهم كلهم كعيله بعد مكانوا جهم اسكندريه لوحدهم عملوا عيله كبيره وكلهم موجودين في صورة واحده ..
الصوره بتجمع قلوب بتحب بعض مفيش كره ولا حقد قد اي العوض والنصيب بتقدير وحكمة ربنا جميل اوووي وكمان بالرضا بالمقسوم والنصيب ..
وكفايه أن كل دا يوصلك..
انك تكون وسط ناس بالضحكه الصافيه دي ..
الروايه خلصت..
عوزا اقول شكرا لكل حد دعمنى وكل حد قالي كملى لانى من غير تشجيعكوا عمري مكنت هعرف اكمل...
النهايه
