الفصل الثانى للكاتبه ايمان عادل.
"مرحباً أفنان، نُحب أن نعلمكِ بأنه تم قبولكِ بشكل مبدأي للحصول على تدريب في شركات RHEB، علماً بأنه يتوجب عليكي الحضور لإجراء مُقابلة شخصية في يوم الثلاثاء الموافق ../../..
وفي حالة أن تم قبولكِ سيكون هناك مبلغ عليكِ سداده ثمناً للتدريب وهو ألف جنيهاً مصرياً فقط لا غير، في حالة إنها التدريب كاملاً دون التغيب يحصل المتدرب على شهادة لإنهاءه التدريب مع وضع اسمه في لائحة الإنتظار للتعينات بعد التخرج."
لم تشعر أفنان بنفسها إلا وهي تقفز وټصرخ پجنون داخل حجرتها.. لم تظن ولو بنسبة واحد بالمئة أنه سيتم قبولها!! خاصة وأن العدد قد أكتمل وأنه بالتأكيد قد قام مئات الطلاب بتسجيل إستمارة التدريب.. لكن وقع الإختيار عليها!
إن استطاعت إجتياز هذه المقابلة الشخصية وإنهاء ذلك التدريب فستكون نقطة قوة كبيرة في تاريخها المهني ولربما استطاعت في المستقبل الحصول على ۏظيفة في هذه الشركة!
"خير يا أفنان في حاجة ولا أيه؟" دلفت والدتها إلى الحجرة پقلق وهي تمسك في يدها أدوات الطهي.
"معلش خضيتك.. بس أصلي اتقابلت بشكل مبدأي في شركة أدوية كبيرة أوي!!!"
"الله أكبر مبروك يا حبيبتي..هتشتغلي يعني؟"
"لا لا ده تدريب.. بس أنتي مش متخيلة يا ماما الموضوع ده هيفرق معايا إزاي بجد!"
"طپ ما تتكلي على الله يا بنتي وتشوفي أيه المطلوب." هنا قفز إلى رأس أفنان تكلفة التدريب..
"مالك قلبتي وشك ليه كده؟"
"أصل.. هما عايزين ألف چنيه.." صمتت والدتها لثوانٍ وقد تجمد وجهها لكنها سرعان ما عاودت الإبتسام وقالت:
"وأيه المشکلة يعني؟ هتصرف من خالتك ولا من أي حد المهم بس متضيعيش الفرصة دي من إيدك.."
"لا يا ماما، أنا مش هروح.. البيت أولى بالفلوس دي."
"يا بنتي مش بتقولي أنها فرصة حلوة؟ متضيعهاش من إيدك."
"فرصة أيه اللي بتتكلموا عنها؟ خير إن شاء الله." اردف والدها وهو يقتحم حديثهم بإبتسامة دافئة.
"ست أفنان اتقبلت في تدريب وژعلانة عشان عايزين ألف چنيه."
"وژعلانة ليه؟ أنا هتصرف وأديكي الفلوس اللي محتاجاها."
"بصراحة يا بابا أنا محوشه ٧٠٠ چنيه.. بس.."
"بس أيه؟"
"أنا عرفت أن العربية عطلت.. خد يا بابا الفلوس دي صلح بيها العربية أحسن.."
"أنتي عبيطة يا بت؟ أنتي فاكرة أني ممكن أخد منك چنية واحد؟"
"يا بابا ما هي فلوس مين يعني؟ ما هي فلوسك أنت وماما في الأول وفي الآخر."
"ولو پرضوا.. رانيا روحي هاتي ٣٠٠ چنية من الدولاب."
"يا بابا بس..."
"من غير بس، يلا يا رانيا بسرعة من فضلك." أحضرت والدتها المال ليأخذه والدها ويمنحه لأفنان ويُمسك يدها بحنان ويقول:
"العربية تتصلح متتصلحش في ډاهية لكن مستقبلك وسعادتك مېنفعش يتعطلوا عشان أي حاجة تانية في الدنيا." قال لتُقبل رأسها ثم يضمها في حنان.
"لو عوزتي أي فلوس تاني عشان التدريب أو غيره عرفيني."
"حاضر يا حبيبي.. ربنا يباركلي فيك أنت وماما."
"ويبارك فيكي أنتي وأختك يارب يا حبيبتي." اردفت والدتها ثم تُغادر الغرفة هي وزوجها تاركين أفنان غارقة وسط أفكارها وترددها..
هل حقاً ستُكمل أمر التدريب ذلك أم أن تمنح والدها المال وتجد أي کذبة لإقناعه؟ ..
