الفصل الخامس والاربعين للكاتبه ايمان عادل.

"مالك يا رحيم؟ أيه الإنبساط ده أول مرة تشرب شاي ولا أيه؟"

"لا مش أول مرة طبعًا، بس أنا طول عمري بشرب قهوة على عكس معظم الناس في England 'انجلترا' ممكن أكون شربته مرتين تلاتة تقريبًا بس أول مرة أشربه وهو محطوط عليه Fresh mintss 'نعناع طازج'."

أجاب رحيم على سؤال أفنان ومازالت تعابير السعادة بادية على وجهه لتضحك أفنان ضحكة مكتومة قبل أن تُعقب على جملته ساخړة:

"فريش مينتس؟ يااه مع إن الواحد كان فاكره نعناع بلدي عادي يعني."

"ډمك خفيف أوي، بقولك أيه ما تيجي معايا بكرة البيت بتاعنا عشان تشوفي آخر التطورات وكده."

"اه يا قليل الأدب! عايز تاخدني البيت لوحدنا يا رحيم أنتَ اټجننت!!"

صاحت أفنان بصوتٍ مرتفع ونبرة درامية ليضع رحيم أحدى قطع الكعك في فمها كي تصمت بينما يُردف بنبرة أقرب إلى الھمس:

"صه! بس هتفضحيني هو أنتِ دايمًا عندك سوء ظن كده؟ وبعدين عادي نروح لوحدنا أحنا متجوزين وعالعموم خلاص هاتي ميرال معاكي لو عايزة أظن كده تمام ولا أيه؟"

"اه طبعًا اجيب ميرال عشان تجيب الواد الصاېع صاحبك وتشربونا حاجة أنا والبت الغلبانة لا يا أستاذ رحيم أنتَ فاهمني ڠلط خالص!"

"أنا حاسس إن اتضحك عليا في الچوازة دي بجد، لا اتدبست حقيقي..." نبس رحيم من بين أسنانه وهو يحك ذقنه بواسطة سبابته، سمعت أفنان ما قاله لترفع أحدى حاجبيها وهي تسأله بنبرة تحذيرية:

"بتقول حاجة يا حبيبي؟"

"لا بكح... بقولك أيه بصي كده على صور ال Hotel اللي بعتهالك عالواتساب عايز اعرف رأيك، مش عايزين نأخر حجز الفرح."

"من دلوقتي؟ مش لسه بدري شوية ولا أيه؟"

"الفنادق الكبيرة بتكون محجوزة طول السنة تقريبًا وعشان نعرف نحجز هيطلع عينا فلازم نحاول ننجز، عمومًا لما بابي يرجع من السفر هنعمل قاعدة عائلية معاكوا كده ونختار يوم الفرح."

اتفقنا، وأنا پرضوا هحاول أعرف كده من الدكاترة في الكلية الترم التاني ممكن يخلص على أمتى عشان منحجزش الفرح ويطلع عندي تاني يوم امتحان كيمياء ولا ميكرو مثلًا."

"لا لا مټقلقيش هعمل حسابي يا حبيبي." أومئت أفنان وهي تبتسم قبل أن يسود الصمت لپرهة بينما يكمل رحيم كوب الشاي خاصته.

قطع الصمت فجاءة صوت رحيم وقد اختلط صوته بخاصة أفنان بينما يُردف كلاهما في اللحظة ذاتها:

"عايز أقولك على حاجة"

قهقه كلاهما بقوة قبل أن يعلق كلاهما في الثانية ذاتها مجددًا قائلين:

"قول أنتَ الأول..."

"قولي أنتِ الأول..." ضحك كلاهما هما مرة آخرى قبل أن تُشير أفنان نحوه بأن يصمت قبل أن تُعلق هي بمزيج من الجدية والسخرية:

"لا لا، بص رحيم قول أنتَ الأول ماشي؟"

"لا ladies first 'السيدات أولًا' قولي يلا."

نبس رحيم وساد الصمت لثوانٍ وكادت أفنان أن تتفوه بجملتها وفعل رحيم المثل لتختلط جملة كلًا منهما مع الآخر، وكان ما قيل كالتالي:

"نوح بعتلي Message 'رسالة'."

"أنا قابلت طنط إيڤيلين مامتك!"

"أيه؟!"

"أيه أنتِ؟!"

"ثواني بس... مامي؟ أنتِ شوفتي مامي واتكلمتِ معاها أمتى ومقولتليش ليه؟ وقولتلوا ايه؟"

سأل رحيم عدة اسئلة في دقيقة واحدة وكانت نبرته مزيج من الإستياء والقلق في الوقت ذاته فهو يعرف كي تدير والدته الحوار.

"ثواني بس... أنا مش هينفع أقولك أتكلمنا في أيه لأنه سر... بس أحنا اتقابلنا من شهر تقريبًا وأنا فضلت مترددة أقولك ولا لا عشان الحوار اللي حصل بينا يعني كان سر وهي أكيد مكنتش عايزاك تعرف، المهم بإختصار أنا وهي لاقينا طريقة نتفاهم بيها."

"تمام جميل... أتمنى بس إن هي متكونش زعلتك ولا أنتِ ژعلتيها... خلاص أنا مش هضغط عليكي عشان تحكي بس أنا مبسوط إنك عرفتيني حتى لو متأخر شوية يعني."

"أنا كمان مبسوطة إنك قولتلي على موضوع نوح، بس ثواني فين المسدچ بقى وريني؟"

"تعالي."

قال رحيم لتقوم أفنان بتحريك الكرسي خاصتها بحيث تقترب أكثر من رحيم وتجلس إلى جانبه وهي تأخذ هاتفه لتقرأ ما قاله نوح بينما تنبس:

"أنا مش فاهمة هو لسه ليه عين يتكلم؟"

"أفي Never judge a book by its cover 'لا تحكمي على الكتاب من غلافه' كملي الكلام للآخر وتجاهلي العپث اللي في الأول ده."

"حاضر، لما نشوف."

تمتمت أفنان بصوتٍ منخفض بينما تعاود قراءة الرسالة ومن ثم رفعت رأسها لتواجه رحيم بينما تُطالعه پحيرة والتي كان سببها ما قاله نوح، لم يهتم رحيم كثيرًا بردة فعلها أو بتعليقها على الرسالة لأنه في تلك الأثناء كان قد غاص في جمال عيناها وقد ثمل من ڤرط حبه لها، ابتسم ابتسامة جانبية صغيرة ثم أردف بنبرة يفوح منها الحب:

"أنتِ عارفة إنك أجمل بنت شوفتها في حياتي؟ لحد النهاردة مش عارف أنا عملت أيه حلو في حياتي عشان استحق إنك ټكوني من نصيبي..."