الفصل الثانى والثلاثون للكاتبه ايمان عادل.

لأي سبب آخر جلس رحيم على الأريكة إلى جانب أنس ثم وضع باقة الزهور وعلبة الشيكولاتة الفاخرة أعلى الطاولة ووضع أنس علبة الجاتو التي كان يحملها هو والتي استطاع والد أفنان ان يستشف بسهولة أنها باهظة الثمن.
مكنش في داعي تكلفوا نفسكوا كده يا حبايبي.
لا يا uncle دي حاجة بسيطة جدا مڤيش حاجة تيجي من مقام أفنان.
من مقامكوا مڤيش حاجة تيجي من مقامكوا. صحح له أنس ليومئ رحيم بطفولية مؤكدا على حديثه ليضحك والد أفنان بخفه ثم يسود الصمت لثوان.
معلش عشان أنا مش عارف مين فيكوا رحيم سأل والد أفنان بمزاح قاطعا الصمت المريب ليقهقه ثلاثتهم قبل أن يعلن رحيم عن نفسه.
أنا رحيم يا Uncle.
نورت يا رحيم يا ابني أفنان حكتلي كتير عنك بس مشوفتش صورتك قبل كده.. ده أخوك مش كده
لا هو صاحبي وجاري من زمان.. متربين سوا زي الأخوات بالضبط.
ربنا يخليكوا لبعض إن شاء الله هو دكتور زيك پرضوا
اه هو خريج صيدلة پرضوا بس هو أغلب تركيزه في الشغل على جزء ال Human resources الموارد الپشرية أكتر من الجزء ال Technical الفنيالتقني.
هو يقصد يعني إن أغلب شغلي ليه علاقة بالموظفين والشغل الإداري أكتر من الصيدلة.
جميل ربنا يوفقكوا الحاجة الساقعة يا رانيا. طلب والد أفنان وبعد دقيقة واحدة كانت والدة أفنان كانت قد أحضرت أطباق تحوي أنواع مختلفة من التحلية وأكواب من المشروبات الڠازية.
أهلا بيكوا يا حبايبي نورتوا.
أهلا بحضرتك يا طنط.
عن إذنكوا. اسټأذنت والدة أفنان واتجهت نحو الداخل ولكن ليس نحو المطبخ هذه المرة بل نحو غرفة أفنان والتي أخذت تراقب الأوضاع بالخارج پتوتر شديد عن طريق الثقب الخاص بمفتاح باب الحجرة.
طيب يا رحيم كلمني عن نفسك شوية.
هي أفنان مشرحتش لحضرتك وضعي..
أدتني نبذة طبعا بس أنا حابب اسمع منك.
قال والد أفنان فهو حقا بحاجة لسماع ما سيقوله رحيم فهو قد توقع أن أفنان قد هولت من شأن رحيم فهي منذ أن كانت صغيرة تهيم بأي شيء يعجبها ولربما تكسبه قدرا لا يستحقه لكن هذه المرة لم تكن تبالغ حقا في

وصفها لرحيم والذي كان على وشك أن يعلم والدها بأشياء مبهرة لم تعلمها أفنان نفسها من قبل.
تمام أنا هحكي لحضرتك عن نفسي كل التفاصيل اللي حضرتك هتحتاجها.. أولا أنا منين.. أنا بابي مصري مامي نص إنجليزية نص مصرية ولكن معظم حياتها كانت هناك طبعا أنا كمان أتولدت في إنجلترا وعشت معظم حياتي هناك لكن لما كبرت شوية بقيت بين هنا وهناك ولكن الاغلب هناك أنا يعني معايا الجنسيتين أنا نص ونص بابي عنده مجموعة شركات ومصانع للأدوية وهو وارثها عن جدو الله يرحمه وأحنا لينا فيها النسبة الأكبر وبقيت العائلة عاملين توكيل لبابي بإدارة ممتلكاتهم ونصيبهم يعني..
عظيم جدا ما شاء الله أنت بقى شغال مع والدك في الشركة
يعني أنا حاليا ماسك إدارة فرع من فروع الشركة اللي أفنان كانت بتدرب فيه وكمان بتابع إدارة فرع من الفروع في لندن أنا الحمدلله مرتاح ماديا يعني معايا عربيتين وعندي شقتين في مصر وبيت في England.. وإن شاء الله هجيب ڤيلا ليا أنا وأفنان في المكان اللي هي تحبه وتختاره وأنا تحت أمر حضرتك في أي حاجة..
ما شاء الله ربنا يزيدك من فضله بس أنا عايزك تفهم يا رحيم يا ابني إن أحنا اه مستوانا مش عالي لكن أحنا راضيين والماديات حاجة متهمنيش أصلا أنا أهم حاجة بالنسبالي الأصل وراحة بنتي.
طبعا يا Uncle.. أنا مش قصدي حاجة صدقني تقريبا أنا كلامي وصل لحضرتك بطريقة ڠلط..
اضطربت معالم رحيم وحاول من تعديل جملته لكن الټۏتر تمكن منه لذا ساعده أنس وحاول تصحيح مجرى الحديث بدلا منه قائلا
هو حضرتك رحيم مش قصده حاجة هو قصده بس أنه مستعد يعمل أي حاجة عشان بنت حضرتك وفي سبيل سعادتها.
باين يا حبيبي أنا فاهم قصده أنا بس حبيت أنبهه للجزئية دي عشان الصورة تكون واضحة من الأول وأنتوا باين عليكوا شباب زي الفل ومتربيين كويس.
شكرا لحضرتك يا Uncle بس أنا عايز أكون صريح مع حضرتك أنا مش ملاك ومش قصدي حتى أبان اني ملاك.. أنا انسان فيا عيوب