الجزء الثاني بقلم سمسم

في الصالة جلست معهم وهى لم تتخلص من تلك الحالة السيئة التى اصابتها
صفية....مالك يا حبيبتى فى ايه كده مال وشك متغير ليه كده
سچى....مفيش يا تيتة انا كويسة مفيش حاجة
هدى....كل سنة وانتى طيبة يا سچى ولو انها متأخرة شوية
صفية.....كنا مستنيين ان نجبلك الهدية ونقولك كل سنة وانتى طيبة
سجى بابتسامة.....تسلمولى يارب انتوا احسن هدية ليا
هدى....تسلمى يا حبيبتى اتمنى ان الهدايا تعجبك
كانت الهدايا عبارة عن اسورة من الألماس وخاتم ايضا
سچى....بس كده كتير اوى
هدى.....مفيش حاجة تكتر عليكى يا قمر
صفية.....انتى تستاهلى احسن حاجة فى الدنيا يا حبيبتى
سچى بحب....ربنا ما يحرمنى منكم ابدا
وقامت سچى من مكانها واحتضنت حماتها وايضا جدتها اعراب لهم عن محبتها 
ففكرت لماذا لم يهديها ذلك القاسى اى شئ فهى تتمنى ان يهديها قلبه ولا تريد اى شئ اخر فى حياتها تريده هو فقط تريده ان يشعر بقلبها الذى بات ېحترق بلوعة الحب والعشق
كانت سچى اخبرت اكرم بموافقة ريهام على ارتباطه بها لذلك قرر مفاتحة اهله فى هذا الموضوع 
أكرم....بابا انا عايز اتجوز بقى
ماهر....البنت اللى كنت بتقول عليها انها صاحبة سچى
اكرم....ايوة يا بابا اسمها ريهام
هدى بابتسامة....انت حبيت يا أكرم
اكرم....وايه لزمته الاحراج ده دلوقتى يا ماما ايوة حبيتها خلاص قولتوا ايه بقى
صفية.....مبروك يا واد يا أكرم طالما صاحبة سچى هتبقى بنت مؤدبة وعسولة ومحترمة
اكرم....هى متفرقش عن سچى فى الادب والاخلاق بس ممكن تكون من النوع اللى بيحب الهزار شوية 
هدى...اهم حاجة يا حبيبى انها تحبك وانت تحبها وتبقوا مرتاحين مع بعض
أكرم....ايوة يا ماما انا بحبها وهى لو مش حابة انى ارتبط بيها مكانتش وافقت اصلا
صفية.... خلاص حدد ميعاد معاهم ونروح نخطبها ونفرح بيك انت كمان
خرج أكرم من غرفة مكتب والده وهو فى قمة سعادته بسبب موافقة اهله على زواجه من ريهام
كان رائف وشادى وسچى جالسين فى الجنينة عندما خرج اكرم يريد من سچى ان تتحدث مع ريهام بخصوص تحديد موعد لذهابهم لخطبتها
أكرم.....باركولى يا شباب باركولى
رائف.... خير يا اخويا فى ايه ونباركلك على إيه بقى
أكرم....بابا وافق على انى اتجوز ريهام
سچى بفرحة....الف مبروك يا اكرم
اكرم.....الله يبارك فيكى عايزك بقى تكلمى ريهام علشان تحدد ميعاد نروح نخطبها ماشى
سچى بابتسامة.....بس كده من عنيا حاضر انا هقوم اكلمهالك دلوقتى حالا
شادى بهزار....يعنى الكل بيتجوز وانا هقعد معنس كده لوحدى 
أكرم....مش لما تخلص وتشتغل وتلاقى بنت الحلال يا شادى
شادى.... ودى ياترى هاقبلها فين بقى إن شاء الله
أكرم بلؤم.... ربك بيسبب الاسباب والله يا شادى فى ناس بنت الحلال قدامهم وبتاعتهم وعاملين نفسهم من بنها
رائف....انت بتتكلم على ايه يا أكرم
أكرم....على الناس اللى من بنها يا حبيبى فكرتنى صحيح الهدية خلاص اتعملت وجبتهالك معايا
رائف....وسايبها معاك ليه هتحنطها هاتها يلا
أكرم....ماشى يا عم خد اهى
ناول اكرم رائف علبة صغيرة بها الهدية التى اوصى بها من اجل ان يهديها الى سچى بمناسبة عيد ميلادها
شادى....هدية ايه دى يا ابيه
رائف...دى علشان سچى
شادى....ااااه علشان سچى
رائف....والله ماهى نقصاك انت كمان كفاية أكرم ابو ډم خفيف
أكرم.....بقى كده خلصت حاجتى من عند جارتى عملتلك اللى انت عاوزه دلوقتى بتتريق عليا ابقى شوف مين اللى يعملك حاجة تانى
شادى...انا يا ابيه اى حاجة اطلب ميهمكش
رائف....عندك حق يا شادى اذا كنت مش عايز حد يعرف حاجة اقولك يبقى البلد كلها هتعرف انت مبيتبلش فى بوقك فولة
شادى....ههههه دا جزاتى انى صريح واللى فى قلبى على لسانى دا انا حتى السر معايا فى بير
رائف....بير مسرب على الجيران
أكرم....يلا حضروا نفسكم علشان تفرحوا بيا قريب
رائف....قصدك نفرح فيك يا أكرم
أكرم....مش هتفرق كتير يا رائف يا حبيبى تفرح بيا تفرح فيا اى حاجة
عادت سچى اليهم ثانية لتخبر أكرم بالميعاد الذى حدده والد ريهام ليذهبوا لخطبتها
سچى بابتسامة...خلاص يا اكرم الميعاد بعد بكرة ان شاء الله
أكرم...تسلميلى يا مرات اخويا بقولك ايه يا شادى ما تيجى نلعب بلاى ستيشن
شادى بحماس...يلا يا ابيه بقالنا كتير ملعبناش مع بعض
أكرم...اسبقنى جهز كل حاجة وانا جاى وراك وخليهم يعملولنا فشار وعصير وشيبسى بص اى حاجة عندهم فى التلاجة يجبوها
شادى...حاضر يا أبيه
ذهب شادى اقترب أكرم من رائف وهمس فى أذنه
أكرم...ادينى سربتلك شادى وانا كمان ماشى اهو عد الجمايل بقى يا حبيبى
رائف...قصدك ايه ياض انت
أكرم...علشان يا حبيبى تعرف تديها الهدية اللى انا عارف انك انت ھتموت وتلبسهالها بنفسك
رائف....غور يا أكرم من وشى
أكرم...ادينى ماشى أهو متزوقش يا عم الحاج
سلام بقى يا سچى الحق اروح اكل فشار
سچى بابتسامة....مع السلامة يا أكرم
أكرم...سلام بقى يا رائف يا حبيبى
رائف...ما تغور بقى هو انت بتسلم علينا ليه هو انت مسافر دا انت داخل البيت
أكرم....اغور! ماشى يا أبيه حاضر
رائف...رزل والله يا حبيبى 
أنصرف أكرم وهو يبتسم على كلام أخيه فهو يعلم انه ينتظر الفرصة حتى يهدى زوجته تلك الهدية التى طلبها لها مخصوص
حاولت ان تلهى نفسها بأى شئ فهى وجدت نفسها تجلس بمفردها معه اخذت تعبث بهاتفها حتى لا تنظر اليه ولكنها سمعت صوته يحدثها
رائف...سچى
سچى...نعم
فتذكرت انهم كانوا جالسين تلك الجلسة بعد كتب كتابهم وهو اخبرها بنيته فى الانفصال عنها ففكرت ماذا يريد منها الآن
رائف...انا كنت جايبلك هدية علشان عيد ميلادك
سچى بفرحة...هدية علشانى انا
رائف...ايوة بس هى اخدت وقت على ما خلصت اتفضلى الهدية اهى
اخذت سچى الهدية التى ناولها اياها تفتحها بشوق ولهفة لترى ماذا اهداها وعندما وقع نظرها على الهدية اتسعت عيناها من جمالها فكانت عبارة عن سلسلة يتدلى منها اسمها منقوش بطريقة جميلة ومزين باحجار كريمة زادت من بريق الإسم
سچى باعجاب.....الله دى جميلة اوى
رائف...عجبتك يا سچى
سچى...اوى اوى شكرا يا رائف
رائف...تحبى تلبسيها
سچى...ايوة طبعا
لاتعرف كيف اقتربت منه ومدت يدها له بالعلبة حتى يلبسها هو إياها أولت له ظهرها حتى يستطيع ان يغلق قفل السلسلة لامست اصابعه عنقها من الخلف شعرت برعشة تحتل جسدها
رائف...كل سنة وانتى طيبة
سچى بهمس ناعم لم يصل إليه....وانت طيب يا حبيبي
فى منزل ريهام
ذهبوا جميعا لخطبة ريهام لأكرم كانت سچى سبقتهم الى بيت ريهام حتى تكون بجانبها فى هذا اليوم المهم
سچى....ايه القمر ده
ريهام....حلوة بجد والنبى
سچى... انتى عندك شك فى نفسك ولا ايه يا ريهام دا انتى قمر ١٤
ريهام.... حبيبة قلبى اللى رافعة من معنوياتى تعيشيلى يارب انتى عارف احلى حاجة فى الموضوع ان برضه هنفضل مع بعض كنا أصحاب هنبقى سلايف
سچى....سلايف النينجا زى ما بتقولى
ابتسمت ريهام ابتسامة بسيطة سرعان ما اختفت فاستغربت سچى من حالتها 
سچى باستغراب.....مالك يا ريهام ابتسامتك اختفت ليه
ريهام....انا خاېفة اوى يا سچى
سچى.....خاېفة من ايه وايه اللى مخوفك فى حاجة انا معرفهاش
ريهام....
رأيكم يا حلوين
لا أحد سواك رائفى
البارت الرابع عشر
ابتسمت ريهام ابتسامة بسيطة سرعان ما اختفت فاستغربت سچى من حالتها 
سچى باستغراب.....مالك يا ريهام ابتسامتك اختفت ليه
ريهام....انا خاېفة اوى يا سچى
سچى.....خاېفة من ايه وايه اللى مخوفك فى حاجة انا معرفهاش
ريهام.....خاېفة من ماما يا سچى
سچى....ليه مالها مامتك فى إيه
ريهام....خاېفة ترفض انى اتجوز أكرم وانا قولتلك انها لما عرفت أن أكرم اهله ناس اغنيا قالتلى ان هم مش زينا
سچى....متقلقيش ان شاء الله خير وهى هتعرفهم دلوقتى وهتتأكد انهم ناس طيبين أوى وهتحبهم كمان
ريهام....يارب يا سچى لانى الصراحة حبيت أكرم اوى
سچى... وهو كمان باين عليه بيحبك اوى
ريهام...والنبى الكلام ده يا اختى
سچى..يعنى لو مكنش بيحبك كان هييجى يخطبك ويتجوزك ليه علشان هيبروزك ويحطك على الحيطة
ريهام بمزاح... يمكن يحطنى فى تابلوة العربية زى الميدالية
سچى...دا ربنا يصبره عليكى وعلى خفة دمك دى يا ريهام
دخلت والدة ريهام الغرفة لترى ابنتها فكانت ريهام جميلة جدا فتمنت ان يكون العريس وأهله اناس طيبين حتى لا تكسر فرحة ابنتها فهذه اول مرة ترى ابنتها سعيدة بهذا الشكل
زينب.....بسم الله ماشاء الله زى القمر يا حبيبتى
سچى....يلا بقى يا طنط زينب علشان تخلصى منها وترتاحى بقى
زينب .....مكدبش عليكى يا سچى انا خاېفة والله
سچى.... اكيد حضرتك بتثقى فيا وفى كلامى مش كده
زينب....ايوة طبعا يا حبيبتى انتى زيك زى ريهام عندى
سچى...صدقينى يا طنط زينب أكرم واهله ناس محترمين وطيبين جدا وهيشيلوا بنتك فى عنيهم وانا اهو قريبتهم بس برضه مرات ابنهم وصدقينى هم احن عليا من ابويا اللى انا من لحمه ودمه
زينب....ربنا يقدم اللى فيه الخير ولو هم زى ما بتقولى يا سچى يبقى على البركة ان شاء الله
فرحت ريهام جدا عندما سمعت هذا الكلام من والدتها حتى انها احتضنتها بقوة وقبلتها على وجنتيها
ريهام....حبيبتى يا ماما ربنا ما يحرمنى منك انت وبابا ابدا يارب 
زينب....شوفى البت علشان هيحصل اللى هى عيزاه بقت مبسوطة ازاى
ريهام بمزاج....كده يا ماما بتشككى فى حبى ليكى واخلاصى
زينب....بس يا بكاشة انتى ربنا يسعدك يا حبيبتى
حضر أكرم ووالده ووالدته وجدته فسألت سچى نفسها لماذا لم يحضر رائف وشادى فاقتربت من حماتها وسألتها بهمس
سچى....طنط هدى فين رائف وشادى هم فين مش شيفاهم
هدى بصوت منخفض...انتى عارفة رائف مبيحبش يخرج من البيت وشادى قال انه هيفضل معاه علشان ميبقاش لوحده
سچى بتفهم...ااه فهمت
ناصر....اهلا وسهلا شرفتونا و نورتوا البيت
ماهر....تسلم يا استاذ ناصر دا نورك
صفية....فين عروستنا الحلوة علشان نشوفها
خرجت ريهام مع والدتها وهى تشعر بالخجل فهذه اول مرة تكون تلك حالتها عندما يتقدم لها عريس بالرغم من انها كانت تقوم بطرد العرسان بنفسها الا ان هذه المرة تختلف عن اى مرة فاليوم من الممكن ان تتم خطبتها الى الشخص الذي تمنته واحبته
صفية....بسم الله ماشاء الله زى القمر يا حبيبتى
هدى بابتسامة....تعالى يا حبيبتى اقعدى جمبى
جلست ريهام بين هدى وصفية وهى تشعر بخجل شديد فهذه اول مرة تشعر بهذا الشعور
كان أكرم عندما رأها تخرج من الغرفة وجد نفسه يبتسم تلقائيا لها فهى جميلة جدا برغم لسانها السليط الذى لم يسلم هو ايضا منه فأول مرة رأها فيها قامت بشتمه
ناصر....منور يا دكتور أكرم
أكرم...الله يخليك يا عمى دا نورك
ماهر.... استاذ ناصر حضرتك عارف احنا جايين النهاردة علشان نطلب ايد بنتك للدكتور أكرم ابنى قولت ايه حضرتك
ناصر...والله الدكتور أكرم زينة الشباب بس الرأى رأى ريهام
هدى بابتسامة..... رأيك ايه يا عروستنا فى الكلام ده
هزت ريهام رأسها بعلامة الموافقة وهى تريد أن تختفى من المكان بسبب كسوفها وعندما رأتها سچى هكذا كانت تريد ان تضحك عليها فهذه اول مرة ترى ريهام بهذه الحالة فريهام من النوع الذى لا يكف عن المزاح والضحك طوال الوقت
صفية....على بركة الله احنا نقرا الفاتحه بقى
تم قراءة الفاتحة وسط فرحة الجميع وعندما رأت والدة زينب معاملة اهل أكرم تأكدت من كلام سچى فهم حقا اناس طيبين جدا
زينب...الف مبروك يا حبيبة ماما ربنا يتمم بخير
ريهام....الله يبارك فيكى يا ماما
سچى....مبروك يا قلبى الف مبروك
ريهام....الله يبارك فيكى يا حبيبتى
أكرم.....لو سمحت يا عمى انا كنت عايز الفرح الشهر الجاى
ناصر....بسرعة كده
زينب....احنا كده مش هنلحق نجهز حاجة وكمان ريهام لسه